Archive for the ‘Bez kategòrëji’ Category:
Kaszëbistika na GŬ
Hewò wiadło Matéùsza Meyra, pòd chtërnym jô téż sã pòdpisywóm trzema rãkama:
Witôjta!
Ògłaszóm jinicjatiwã, żebë przekazac wiodło ò pòstãpnim nabòrze (“dopełnienim limitów”) na Pòlską Filologiã z Kaszëbistiką, chtërne je na GÙ, dlô jak nôwikszi lëczbë lëdzi, chterni jesz òbzérają sã za sztudiama. Je jesz 21 wòlnich placów na sztudia!
Czile starnów ò Kaszëbistice jaczé mòżna pòdac na swòjich starnach 
* profil na nk – http://nk.pl/profile/33878035
* temat na fòrum GÙ – http://forumrekrutacji.ug.edu.pl/index.php?topic=7100.0
* wiodło na starnie GÙ – http://www.ug.edu.pl/pl/info_dla_kand/?tpl=rekrutacja1011/dodatkowa1011
Mëszlã, że to sygnie 
Zachãciwóm jesz rôz wszëtczich do pòdaniégò dali wiodła ò Kaszëbistice na GÙ Gwës, że jesz nie wszëtce ò tim wiedzą, a reklamô je dosc słabô ë małô…
Dzãka!
Pòzdrówczi.
Odjimczi
Na stronie
http://www.wotoch.bloog.pl/
Mòże nalezc przesnôżł òdjimczi pòkazywającé elemeńtë najégò swiata w taczi ôrt, że czasã drãgò ùwierzëc, że to najô realnota 
Pò prôwdze wôrt je zazdrzec i welowac na nen blog na
http://www.swiatobrazu.pl/fotoblog/index.php?p=czytaj_blog&go=y9cb9ble
Artizna Mareka Wantoch-Rekòwsczégò mô zasłużoné na dobëcé!
Aktorowie
Aktorowie nie są ricerzama
nigdë swòjëch kòdeksów ni mielë
swòjëch mieczów i robòtë
mògą ùżëwac wiedno
kòżdô, nôbarżi żôrotnô òrãdz
dôwô wëzwëskac jich bùchã
kòżden czën mòże bëc kùńsztã
môltëchã zjadłim w misce dlô psa
Jich pòkòlenié
Chcą òbskarżëc- winã mają Chcą narzëcëc priz dlô naju za jich winë do płaceniô
nicht nie gôdôł nama nick dzys, że nie słëchómë, pleszczą
nie chcemë skrëchë jaczi ti nie dadzą nie chcemë paje jaczi nie wëcygną më blós chcemë jich môłczeniô w môl hipòkrizje bezbrzadny, donéżny…
Grandolina
1.
-Czëjesz?
-Nié
-To Grandolina
-Czëjã
-To më
2.
niech tej najô Grandolina
mdze do himnów jinstrumeńtã
panegirików na Zemie
i mléka tczã
ni mómë didgeridoo
ani lirë, ani harfë
cëż mô zrobic lud nasz sëri
co mô wëtraconé wszëtkò
jak mô sw’ą pòezją trafic
do bómów w pòłwie ùchòwëch
do krzów w pòłwie òczowatëch
[*]
Szlachã Zbôwcë nieswądno szlë
Òn Jich pòtkôł na strażë mdącëch
Wszëtczé nôrodë zdrzą terô w czerënkù najich sąsadów- Pòlôchów. Chcemë wespół z całim swiatã ùtczëc pamiãc òfiarów katastrofë flégra w Katiniu i wërażëc wëcmaniznã z cerpiącyma pò stracenim blësczich ë wôrtnëch lëdzy.
Kawel Jindianérów
Jednym zdanim przesztrëchiwô
Dzëczich lëdów bëcé…
dzejów smrok rozwidniwóny
ògniszczowim widã
nadeszedł dëchóm bezczasu
nie chcą panôrzë pòrządkù
bronic sądama pòczestno
w swòjim zwëkù z wiôldżim słowã
ò prawach lëdzkòscë,
tegò dlôczë biją serca
sygnie rzec- nie pasowelë
do nowëch warënków
sygnie miec co sã zmieniéwô
bë pisac historiã
…Òbskarżëcel-Sãdza-Prawò
Dôwô òbtaksënczi cëzym
Naja bina we WCK
Naja bina we WCK
W zalë z pichã i mòklëzną
Naja zdrzadniô lózëch farwów
W cemnoscë òb dzéń
Naja bina we WCK
Samòzwãków mòc z òtemkłi
Gôrdzelë w cëchòscë
Naju swiat przez nas stwòrzony
Na ti binie tëli dërgów
tëli òddichaniô
pòznôwanié Ùniwersów
Òceanów sztótów
Najã binã we WCK
przińdą znikwic chłopi
Tak ùtcëwi tak normalny
Zbùrzą jakno zachã
Nie mdze żëwi binë terô
Nie mdze òkrãtu na jaczim
Wid w cemnoscë dërgôł sã
Nie mdzem’ sedzec ë òddëchac
Bò ju znikwią pôrã délów
Czôrnym płótnã òbwinionëch
Przińdą, znikwią; jak tã strzënã
nadłómóną skrëszą
Najã binã we WCK
Nie wiém, zaczim to piszã, ë tak Wa nigdë nie zrozmiejeta, jakùż to je stracëc binã. Takô markòtnosc, jaką sã abò czëje, abò nigdë nie mdze sã rozmiało tëch co na tak co cerpią 
Në, dobré je chòc to, że dzãka temù za 3 lata mô bëc filharmóniô.
Wiérzta ò nocnym natchnienim
zamknął biôłą knégã
òdłożił długòpis- to ju je zrobioné
je to wszëtkò?
móm nôdzejã- rzekł zmarachòwóny
zarô pòtim przeprosył mùzã
bôczącë na ji nëczi
swiądny, że nadéńdze jeséń…
Las
Të jidzesz corôz dali
bë widzec kùńc drzewiãtów
tej twòrzisz nowé greńce
ògreńcziwającë swiat
Jô wchôdóm corôz głãbi
żebë greńce òszëkac
i corôz barżi widzã
tam realné królestwò
dzes bez czaso-remnotë
chòcle to nie je dalek
nie wësok, le strzód naju
i nie jak to sã zdaje
bò nie je dlô wëbrónëch
leno dlô tëch, co gò chcą