Naja bina we WCK
Naja bina we WCK
W zalë z pichã i mòklëzną
Naja zdrzadniô lózëch farwów
W cemnoscë òb dzéń
Naja bina we WCK
Samòzwãków mòc z òtemkłi
Gôrdzelë w cëchòscë
Naju swiat przez nas stwòrzony
Na ti binie tëli dërgów
tëli òddichaniô
pòznôwanié Ùniwersów
Òceanów sztótów
Najã binã we WCK
przińdą znikwic chłopi
Tak ùtcëwi tak normalny
Zbùrzą jakno zachã
Nie mdze żëwi binë terô
Nie mdze òkrãtu na jaczim
Wid w cemnoscë dërgôł sã
Nie mdzem’ sedzec ë òddëchac
Bò ju znikwią pôrã délów
Czôrnym płótnã òbwinionëch
Przińdą, znikwią; jak tã strzënã
nadłómóną skrëszą
Najã binã we WCK
Nie wiém, zaczim to piszã, ë tak Wa nigdë nie zrozmiejeta, jakùż to je stracëc binã. Takô markòtnosc, jaką sã abò czëje, abò nigdë nie mdze sã rozmiało tëch co na tak co cerpią 
Në, dobré je chòc to, że dzãka temù za 3 lata mô bëc filharmóniô.
Chto jak chto, ale jô Ce rozmiëjã z nã binã.
W kòńcu sóm żem miół òkazjëjã czile lat na ti binié miec swòji próbë czë wëstãpë…
A dze Wa terô robita swòji próbë?
Më z mómë w Szkòle Zmùzyczkòwaniéj ;p
Ale zdżemë te 2-3 lata a mdzë piãknô Kaszëbskô Filharmòniô jaczich nawetkã Gduńsk nie mô! Tej sã bãdzëma ceszës! Chòc wiedno to nie mdze na sama bina…
Jô ju sã ni mògã dożdac ti nowi sedzbë. A z ti binë to móm wzãté sztëczk na pamiątkã.
Terô teater mô próbë w gimnazjóm- to je nen ceglany bùdink kòle ronda naprocëm sw. Léòna. Baro fejn zalã mają, le blós we WCK wespół z tą biną më jesmë lecelë w jiné swiatë
A chto mòże…
To Të zrobił pòdstãp ;D ale to nie pòpadnié, doch ë tak to bë szło do kòsza czë na spalenié.
Dobrze że to zrobił.
Jô wiém dze to je
jô blós sã zastanawiół dze òni Was wësłale. Jesz wëstrzódkò jô nie bił, ale pëwno môsz Të recht, że zala je fejn 
Ale jo, to nie je to samò co WCK stari bina… Cekawò czë to bë szło nã binã wëniesc całùł 
Tej chcemë jã wëniesc! Znôwù pòczëjã wòniã trãpków, pichù i ùzdrzã nen czôrny material
Jo! To je do zrobieni, doch jo ;DD
Ë nën piãkni zapach czëc ;D m… pëszno ;DD
a rzeczë mie, môsz Të plestu-plestu ?
Jô bë chcôł jësz ò nën wëwiod sã dopëtac